مبارة للذكرى المولودية والوفاق

احب ان اروي للاصدقاء المناصرين للمولودية هذه القصة الجميلية لي مع الخضرا مونامور
القصة تعود للاول من نوفمبر2007 يومها كنت في تمنراست واعمل هناك كمساعد مدرب صنف اواسط
وتعلمون ان ذاك اليوم كانت ستلعب مبارة السوبر بين الوفاق بطل الجزائر يومها والمولودية حاملت الكاس
وعشيت المبارة بحثت عن مكان لاشاهد المبارة ولم اجد سوى مقهى كل من فيه يناصر سطيف وكنت الوحيد مولودية
وطلب مني صاحب المقهى دفع 50دج مقابل المشاهده لاني شينوي
وقال لي
الى راك معانا مرحبا قهوة خالصة والى راك مع المولودية خلص 5000 وشوف السينيما
الان الوفاق يومها كان بطل العرب وخالعتو الهدرة تاع صدى الملاعب
انا عطيتو 100دج وقلت لو راني مخلص غير باش نزها الى ربحناكم ولازم تكون رياضي معايا وتخليني نفرح نورمال
قالي ماعليش وفي بالو ماناش رايحين نربحو
وطبعا بهدلناهم4/0
وصدقوني طلعت فوق الطوابل وليت نشطح كي المهبول
ونعيط تحيا مولودية تاع نهارات كبار
ونستعرف بلي هذاك السطايفي كان راجل رجعلي دراهمي خلاني نفرح في مقهى الوفاق وماخلى حتى واحد يقرب مني
نتمنى تكون لحكاية عجبتكم وحكو وخلو الناس تعرف بلي الشنوي مايخاف الشنوي مايوليش اللور