بسم الله الرحمان الرحيم و الصلاة و السلام على أشرف المرسلين سيدنا محمد و على اله و صحبه اجمعين
اما بعد
خوتي من غير ما نكثر عليكم بالعربية الفصحى . بالك تتسائلوا على سبب تسجيلي في المنتدى .
انا تونسي خوكم علي من تونس من الجنوب بالتحديد اول ما فتحت عينيا على الدنيا و انا نسمع في الهيجان و الاهازيج في الدار و في الحومة ( على خاطر كنا براسك 40 واحد في الدار الكبيييييييرة 10 اعمام منهم 5 بعائلاتهم و جدي و جدتي ...الخ ) و كلهم كانو مجانين بالكليب افريكان و الحومة كيف كيف و الجنوب كامل براسك كيف كيف .
هيا أسيدي من جملة ما كنت نسمع كنت نسمع في اهازيج تقول " اوووووووو مغاريا أووووووومغاريا اوووووو مغاريا فن و خبرة و تكتيكياااااا " مع الملاحضة أن ال "ياااااا" في الاخر لازمة لانها من صميم لهجتنا و نظن باللي عندكم نفس الشيء
.
أيا مالا كي وليت نفهم طلع سي خونا فضيل مغاريا جاينا من المولودية "le fameux moulodia "
و من وقتها وانا مهبول بالنادي الافريقي و بالمولودية يعني سي فري نتبع البطولة التونسية مي كي تلعب المولودية كنت نتبع اخبارها في الجرايد ...الخ .
الكلام هذايا في الثمانينات و في اول التسعينات .
المهم امشي يا زمان و ايجا يا زمان و جانا الجنرال عبد الحق بن شيخة مدرب للنادي الافريقي و اللي بنى ليكيب على باززز صحيحة و ملك الدنيا و شغل الناس كيما يقولو بالعربية بأخلاقو و رجوليتو و تواضعو و احترامو لخدمتو قبل ما يكون كمدرب ومدير فني للفريق و عطى فكرة ملييييييييييحة ياسر على دزاير و على الكووورة في دزاير .
هيا كي جيت نشوف لقيت باللي ياسر قواسم مشتركة موجودة بين الزوز ايكيبات و بين جماهيرهم خاصة تتلخص في :
-الفريقين الزوز عندهم اكثر شعبية في بلدانهم
- الفريقين الزوز من اعرق الفريقين في بلدانهم
-الفريقين الزوز ديما تجيهم دي بروبلام و يبقو سنوات و سنوات بلا تيتر و لكن كي يجيبو تيتر يكون عندو طعم خاص لانو جاء بالجهد و التعب و سيرتو بنظافة بعيد عن الكواليس اللي ماهيشي متاعنا .
-مالغري لي بروبلام اللي يصيرو ساعة ساعة الفريقين الزوز جماهيرهم ديما يعبو الستاد و يهبلو ها بالدخلات و التيفوات و تشنع عالاخر في الفيراج
-الجماهير الزوز هي اللي تسير في المقدمة و الاخرين يقلدوها .
ماهيشي القواسم المشتركة لي قلتها هي اللي خلتني نسجل في المنتدى مي خلتني نحس باللي رانا قراب ياسر و باللي الصلة لازمها تكون مع القريب قبل الغريب و خوك خوك و لا يغرك صاحبك .
نتمنى ان شاء الله يااااااااااا ربي تبعد الشر على المولودية بارسكي انا نشوفها كيما البوبونيار اللي يخرجو منها المواهب اللي باش تخلي تراس في مسيرتنا الكروية كيما الكليب في تونس بلا ما نتعصبو بلا ما ننكرو قيمة لوخرين مي نحبو ناسنا و جمعيتنا بكل تربية و اخلاق و ظرافة .
ان شاء الله تقبلوني بيناتكم مالغري ما ندخلش ياسر ... الخدمة الله غالب و ان شاء الله نقدم الاضافة حتى و لو بالردود .
ربي معاكم .
اما بعد
خوتي من غير ما نكثر عليكم بالعربية الفصحى . بالك تتسائلوا على سبب تسجيلي في المنتدى .
انا تونسي خوكم علي من تونس من الجنوب بالتحديد اول ما فتحت عينيا على الدنيا و انا نسمع في الهيجان و الاهازيج في الدار و في الحومة ( على خاطر كنا براسك 40 واحد في الدار الكبيييييييرة 10 اعمام منهم 5 بعائلاتهم و جدي و جدتي ...الخ ) و كلهم كانو مجانين بالكليب افريكان و الحومة كيف كيف و الجنوب كامل براسك كيف كيف .
هيا أسيدي من جملة ما كنت نسمع كنت نسمع في اهازيج تقول " اوووووووو مغاريا أووووووومغاريا اوووووو مغاريا فن و خبرة و تكتيكياااااا " مع الملاحضة أن ال "ياااااا" في الاخر لازمة لانها من صميم لهجتنا و نظن باللي عندكم نفس الشيء
.
أيا مالا كي وليت نفهم طلع سي خونا فضيل مغاريا جاينا من المولودية "le fameux moulodia "
و من وقتها وانا مهبول بالنادي الافريقي و بالمولودية يعني سي فري نتبع البطولة التونسية مي كي تلعب المولودية كنت نتبع اخبارها في الجرايد ...الخ .
الكلام هذايا في الثمانينات و في اول التسعينات .
المهم امشي يا زمان و ايجا يا زمان و جانا الجنرال عبد الحق بن شيخة مدرب للنادي الافريقي و اللي بنى ليكيب على باززز صحيحة و ملك الدنيا و شغل الناس كيما يقولو بالعربية بأخلاقو و رجوليتو و تواضعو و احترامو لخدمتو قبل ما يكون كمدرب ومدير فني للفريق و عطى فكرة ملييييييييييحة ياسر على دزاير و على الكووورة في دزاير .
هيا كي جيت نشوف لقيت باللي ياسر قواسم مشتركة موجودة بين الزوز ايكيبات و بين جماهيرهم خاصة تتلخص في :
-الفريقين الزوز عندهم اكثر شعبية في بلدانهم
- الفريقين الزوز من اعرق الفريقين في بلدانهم
-الفريقين الزوز ديما تجيهم دي بروبلام و يبقو سنوات و سنوات بلا تيتر و لكن كي يجيبو تيتر يكون عندو طعم خاص لانو جاء بالجهد و التعب و سيرتو بنظافة بعيد عن الكواليس اللي ماهيشي متاعنا .
-مالغري لي بروبلام اللي يصيرو ساعة ساعة الفريقين الزوز جماهيرهم ديما يعبو الستاد و يهبلو ها بالدخلات و التيفوات و تشنع عالاخر في الفيراج
-الجماهير الزوز هي اللي تسير في المقدمة و الاخرين يقلدوها .
ماهيشي القواسم المشتركة لي قلتها هي اللي خلتني نسجل في المنتدى مي خلتني نحس باللي رانا قراب ياسر و باللي الصلة لازمها تكون مع القريب قبل الغريب و خوك خوك و لا يغرك صاحبك .
نتمنى ان شاء الله يااااااااااا ربي تبعد الشر على المولودية بارسكي انا نشوفها كيما البوبونيار اللي يخرجو منها المواهب اللي باش تخلي تراس في مسيرتنا الكروية كيما الكليب في تونس بلا ما نتعصبو بلا ما ننكرو قيمة لوخرين مي نحبو ناسنا و جمعيتنا بكل تربية و اخلاق و ظرافة .
ان شاء الله تقبلوني بيناتكم مالغري ما ندخلش ياسر ... الخدمة الله غالب و ان شاء الله نقدم الاضافة حتى و لو بالردود .
ربي معاكم .