أووو أووو أووو والفيراج راح يريب يا البوليس X 3
وحنا مولودية غاشي والله غير غاشي رايحين تتفكرو كامل يامات الفيس
قاطع لياس لخبار هادي ما خرجتش عليا
جاني الوسواس من نهار خربو فيك يا المولودية
بزاف من الناس لحقولي الهدرة وزادت عليا
هواري بومدين راهو خلاها وصية
هادو نكرو التاريخ ** حبو العميد يطيح
واقيلا نساو المرحوم خلاها وصية
وحنا مولودية غاشي والله غير غاشي ** رايحين تتفكرو كامل يامات الفيس X 2
أووو أووو أووو والفيراج راح يريب يا البوليس X 3 نجمة وهلال فاصاوها هادوك السراقين
يرحم باباكم وين راه شكيب خليل X2
فالاستقلال حشاوهالنا وهوما دارو التاويل فهاد البلاد الزاوالي بغارو يديه عامين والله سبابنا هوما ** هوما الحكومة
آيا عاشور سقم روحك بركا ما تتعوج
أووو أووو أووو والفيراج راح يريب يا البوليس X 3 وحنا مولودية غاشي والله غير غاشي ** رايحين تتفكرو كامل يامات الفيس X 2 غالط فالرول بوتفليقة عمرو ما يتزوج
أووو أووو أووو والفيراج راح يريب يا البوليس X 3
مام البترول ماشي مدغول راو يلحق للخارج هوما لي ريبولنا الساس ** لالجيري فرونساز والشعب لي كان حار اليوم ولا يتفرج X2 وحنا مولودية غاشي والله غير غاشي ** رايحين تتفكرو كامل يامات الفيس X 2
أووو أووو أووو والفيراج راح يريب يا البوليس X 3
فالشاريطة مافهمناش كيفاش كامل فوطاو فالخريطة غير دزاير لي راهي روطار الشايب حظة وتسرسبلهم غير على المطار نتلاقاو في أمريكا ** لتما عليك نتكا راهي باينة السعيد يقسم لاباي X2
لحكاية باينة راهي تحكم فينا فرانسا X2
وحنا مولودية غاشي والله غير غاشي ** رايحين تتفكرو كامل يامات الفيس X 2 هادو داعش ليسونسيا حنا رانا في كازا الشينوي ما صحاش مازالو كي العادة غارو وماصة نبدا نعرش كي نشوف سلال اليوم عندو بلاصا هادوما لي خانو ** لعقاقن بانو
في هاد البلاد لي فالابل ** يرجعوه ماشي كابابل
أووو أووو أووو والفيراج راح يريب يا البوليس X 3 وحنا مولودية غاشي والله غير غاشي ** رايحين تتفكرو كامل يامات الفيس X 2 ألوووو ألووو نبعتلك يما غير هاد جواب ألووو ألووو سلميلي غير على اللمة والحباب والو والو ما نوليش لتما الوقت صعاب وأنا والله ما نحمل هاد العداب X2
كي تشوف معايا هاكدا ** هيا جايا هكدا
أووو أووو أووو والفيراج راح يريب يا البوليس X 3 وحنا مولودية غاشي والله غير غاشي ** رايحين تتفكرو كامل يامات الفيس X 2 (مقطع لم يرد في الفيديو) سماطت ليام وشحال من ناس ماتت في غرداية هاد السيستام ماشي اسلام وماناش نوايا يغيض العلام نبكي ونغيضك وتبكي معايا
هاد البلاد راحت وجامي لا كانت هانيا X2