๑۩ﺴ
اجهلت كل صاحب و خفيت عليه سراري
خفتو يفوتني للكنز المستور
ماهوش كنز ذهبي ماهو ديناري
عدراء و باهية عند الجار تنور
๑۩ﺴ
النور و البدر عند الجار قبالي
متونس بيه طول زماني ولهان
بابو من الحديد مغلوقة بقفالي
يطوف على الرسم ما قراشي لآمان
๑۩ﺴ
لا ضيف لا حبيب يدخل لا زوالي
و لو يكون سايل يمشي باخص مقهور
حتى الكلام قطعو مع اللي بحالي
واعي وحاذر بالو يمكن راهو مدعور
๑۩ﺴ
لبست ثوب بالي و مشيت نراقب
نقرب للكنز الغالي و نراه
بعثتلي خديمة في ايديها يعجب
ماعون خافيتو جلالها غطاه
๑۩ﺴ
ما جيتش للطعام و لا باغي نشرب
بيا الحب منو راني زادم مشغوف
باغي جوابها قولي ليها تكتب
قالت لي قراه كتبتلك فيه حروف
๑۩ﺴ
اقريت الجواب و فهمتو يا ناسي
مكتوب فالمويعن كي جبت خبار
و ترن فايقة بشواقي و احساسي
دنيا ضواتلي عقلي مني طار
كتبتلي كليمة و حلفت براسي
بعد السلام تسقسي لخبار
أنت ليا وأنا ليك و ناسي
شرفا ๏̯๏ تعرف باب الدار!
