***في هذي الدنيا ربي عطالي ثلث صحاب عليهم نتكل ****
*** لما نطيح يكونو قبالي و نتكل عليهم في كل مشكل ****
*** من بين الثلاثة درت في بالي الصاحب المهم هو الاول ****
*** عطيتلو قلبي عطيتلو عقلي او حبيتو اكثر منهم كامل ***
*** الصاحب الثاني بالنسبة لي نحبو شوية اقل من الاول ***
**** وفي الآ خر الصاحب التالي الثالث الي كنت نحبو قل ***
** حتى وحد النهار صرالي مشكل رحت قصدت الاول ***
*** اللي حبيتو عفسها لي و خلاني غير وحدي حاصل ***
*** قصدت الصاحب الثاني قالي راني هنا وراه المشكل **
*** جا معايا رجلو برجلي و كي لحقنا خلاني و رحل***
*** قصدت الثالث الي ما درتو في بالي وقف معايا و خرج فحل***
*** مخلانيش ووقف قبالي في هاذاك المشكل حتى تحل***
*** حبيتو تعرفو المشكل ديالي ؟ هو نهار يلحق الاجل***
*** الصاحب الاول هو مالي مايجيش معايا و يخليني حاصل ***
*** و الصاحب الثاني هو اهلي غير يدفنوني يهربو كامل ***
*** و الصاحب الثالث هو فعلي الي يكمل معايا حتى للداخل ( القبر ) ***
**- القصيدة للصحفي فيصل كرشوش -***
***- هو اعطى الحل الصواب و انتم حلوه كيما حبيتو -***
*** قريتها في جريدة عجبتني انا نخليكم تختارو الصديق الوفي المخلص ***
*** اللهم اشغلنا بما خلقتنا له - العبادة و العمل الصالح الذي يدخل
معانا للقبر- و لا تشغلنا بما خلقته لنا - من مغريات الدنيا الفانية و
مافيها - آمين يا ارحم الراحمين *****
