لمن نشتكي بقرحتي
محمد بن مسايب
لمن نشتكي بقرحة جمار غزالي *** من خلاّت خاطري عليل
انفتن عقلي بحبها ونشطن بالي *** مالي في وصولها سبيل
من لا ذاق الغرام و الشـّوق بحالي *** ما يسـّماشي هبيل
مولات السالف الطويل
لمن نشتكي بقرحتي *** عيدو لي يا أهل الهوى
آش سبابي وحيلتي *** خلـّيتي خاطري انكوى
شعلت نيران مهجتي *** صبرت القلب ما قوى
عمدالي في الزمان وحدي عمدالي *** ذا الحمل عليـّا ثقيل
خلاّني في الخلا وبركت جمالي *** ما صبت مع من نشيل
مولات السالف الطويل
أجي نوصيك يا فلان *** إذا تقبل وصايتي
جرّبت بنات ذا الزمان *** كم وحدة في دنيتي
شي نعطيه ما يـبان *** ما نعرف واش حيلتي
من لا عنده فلوس مسكين بحالي *** يـبقى بـِناتهم ذليل
وإذا كانو يعود في المقام عالي *** سلطان و طالق السبيل
مولات السالف الطويل
ما أملح أيـّام الشباب *** الزهو وكثره الفلوس
العود يصيح مع الرباب *** والطار و راحة النفوس
تملالي كاس بالشراب *** نشرب و يلذلي الجلوس
بـين الشـّفة و خدّها بان يلالي *** والطـّرف النـّاعس الكحيل
ألقات على النهود الليم الغالي *** متخبـّل عليهم خبيل
مولات السالف الطويل
نوصيك يا عاشق الريام *** في حبـيـبك ما قريت مول
جرّبتك ما بقى ملام *** محال المحبـّة تطول
هذا حدّي وفى الكلام *** معلوم العكري يحول
واحد يشري الجديد ويـبـيع البالي *** لاخر مشغول في الغسيل
أنا محبوب خاطري زهو انجالي *** عيني ما راتله مثيل
مولات السالف الطويل
نوصيك يا فاهم الكلام *** اصغ لي نحدثك
تاريخ طابع ذا النظام *** نفسي راني هديت لك
بعد مدّة العوام *** اسمع اسمي نعرفك
معلوم ابن مسايب قليل الوالي *** لسانه كالسيف الطويل
لرقاب الجاحدين ضربة صلصالي *** ما زال دماهم تسيل
مولات السالف الطويل
اليوم لقيت شي بنات *** قلت لهم وين رايحين
قالوا لي خليلتك رضات *** عندك جينا معولين
در على حركة البنات *** في الشـّك غدّا مقيلين
ما نهوى في البنات عايشة وعوالي *** الطـّفلة الجافية جفيل
جابوها وجات واعده لمجالي *** بعد الرّغبة مع التخبيل
مولات السالف الطويل
يوم نلقى من نريد *** يشفى قلبي و خاطري
تلبس قفطانها جديد *** و تشد منديل عكري
نقول اليوم كان عيد *** عندي والغير لا دري
ما جـّوز حد قلت في الزهو بحالي *** يجمع شملي بالخليل
مرّة نملى لها وعشرة تملا لي *** يحق لنا على النحيل
مولات السالف الطويل
قالت لي خليلتي نخاف *** أجي عندي لمنزلي
خايف أنا من الانكشاف *** أو نصير في يد أبي علي
ما يقبل منـّا انصاف *** هذاك اللـّي يخيّب لي
أنا مالي صديق ما عندي والي *** كرهوني ناس القبيل
خي و عمي وراجل أختي وابن خالي *** عنـّي ما غفلوا غفيل
مولات السالف الطويل
قالت لي خليلتي أرواح *** مشيت نبات عندها
صبت مليحة الملاح *** تختال على خليلها
كاملة الزّين والأشباح *** ما نعشق حد غيرها
أنا لها فضل و هي راس مالي *** ما يشفي منها غليل
هيهات موحال غيرها ما يحلالي *** صلاتي ما لها مثيل
مولات السالف الطويل
لو كان الحق و الشرع *** والحكم الجايز الصحيح
ما يزدم حد يا لدرع *** مقطوع يكون بالبريح
كثرة الموال و الطمع *** اتطيـّـح من لا يطيح
بالزهو تولعوا و القلب السالي *** المولوعات بالخليل
على الجلسة نصيب الخمر البالي *** طلقت سالفها على السبيل
مولات السالف الطويل
أجي نوصيك يا فلان *** إذا تقبل وصايتي
جرّبت بنات ذا الزمان *** كم وحدة في دنيتي
شي نعطيه ما يـبان *** ما نعرف واش حيلتي
من لا عنده فلوس مسكين بحالي *** يـبقى بـِناتهم ذليل
وإذا كانو يعود في المقام عالي *** سلطان و طالق السبيل
مولات السالف الطويل
ما أملح أيـّام الشباب *** الزهو وكثره الفلوس
العود يصيح مع الرباب *** والطار و راحة النفوس
تملالي كاس بالشراب *** نشرب و يلذلي الجلوس
بـين الشـّفة و خدّها بان يلالي *** والطـّرف النـّاعس الكحيل
ألقات على النهود الليم الغالي *** متخبـّل عليهم خبيل
مولات السالف الطويل
نوصيك يا عاشق الريام *** في حبـيـبك ما قريت مول
جرّبتك ما بقى ملام *** محال المحبـّة تطول
هذا حدّي وفى الكلام *** معلوم العكري يحول
واحد يشري الجديد ويـبـيع البالي *** لاخر مشغول في الغسيل
أنا محبوب خاطري زهو انجالي *** عيني ما راتله مثيل
مولات السالف الطويل
نوصيك يا فاهم الكلام *** اصغ لي نحدثك
تاريخ طابع ذا النظام *** نفسي راني هديت لك
بعد مدّة العوام *** اسمع اسمي نعرفك
معلوم ابن مسايب قليل الوالي *** لسانه كالسيف الطويل
لرقاب الجاحدين ضربة صلصالي *** ما زال دماهم تسيل
مولات السالف الطويل
