| تنوض فالليل تنوض صبح تلقــــــاهم مازال نـايضين يقــــولوا كلام ماشـي مباح عليـــــنا حنـــــا الجــزايريين ما خــــلاّوا لا لــــرواح لا لمــــوتـــا ولا لحـــــيـين ماخــــلاو حـــاجة تصلح علام، ثورة ، تاريخ أو دين قبل ما نبدى.. نقـول الصّح عرب وخاوة ومسلــــــمين ماشي معناه نضربوا النـح ويحسبــــوا رانـــا خايـفين على خـــاطر لقـــدر طـاح وهـوما مـــازال مصممين ما يقدروش يطلبوا السّماح بصح فلعيــــــب الــــلولين وماشي العيــب هو الصح هو والخــســـارة ساهلين بــاش تكـون نـــاس ملاح الّي صعيـــــبة يــا مسكيـن ماراحـش انقولك ارواح بــــاش تعـرف الجزايريين على خاطر تعرف الصـح نتايا كثر من وحـدو خرين نتوما عــــاونتونا بــالسلاح على كــــل حال مشكورين وحنايا بعثنالكم... أرواح راهــــم عنـــــدكم مدفونين أو فاللّــــخر كل شي راح على جـــال كأس العالمين خــــاطر الـّي راح يفرح هومــــا الإنس والشياطين مــانيش راح نزيد جراح بيـــن الخــــــاوة المسلمين إنما... نكــــتــــب الصح للجيــال الّي راهم جاييـــن بدات الحكاية فــــالمرواح كانوا للبليــــــدة جـــايين قـابلناهم بالأفـــــــــراح وردة وردة فــــاليــــدين وادينـــــاهم كي السياح الشرطة عليــــــهم دايرين لتمّ عرفونا نــاس ملاح وبلّي حنـــــايا شبعــــانين ومربيين تاع الصح وحتــى فلعبـــــنا فنــّــانين الأهداف كانوا صحـــاح او فــــي ثلاثة شـــرعيين لتم بعدا بدينا لفراح وبتــــنا كـــــامل سهرانين وهـــوما لتم بداوا النواح وحلفوا ماراناش سالكينن بداوا يسبّوا ضربنا النح وكنا بــــالفرحة لاتيـيـــن وقلنا كي تبرى لجـراح يسكتــــوا راهم زعفانين قالـــوا حوايـج ماتصلح أو بلّي مــاناش مسلــــمين وكـــأننا غلقـــنا رفــــح وعــــــاوننا الصــهيـونين وبلّي هومـــا الّي أفصح وبلّــــي ردونــــا عربيين وبوعمامة والأمـير صح واقيلا كانــــــوا شينويين ولحنوا نشــــــيدنا بصح نساوا بلــــي الجزايريين كانوا في وقت الكفـــــاح ومــاشي لاتيين بالتلحين لحق الوقت تاع الصح.. كنــــا لبـــلادهم رايحين رايحين او بالنا مرتــاح على خـاطر كنا رابحين شحال مواحد مننا راح ولحقوا حــتى المتغربين كانواغير الناس لمـلاح او لعلامــــــات فاليدين عنبـالـــهم راحوا سياح للقــــــــاهرة حـــــواسين ولتمّ الّي القنــــاع طاح حقيـــــقـــة المصــرييـــن بان البــاطل تاع الصح داروا عليـــــهم مــلايين الّي مــــاعندوش سلاح عنـــدو حـــجرة فــــاليدين وزادو غد منداك صباح الحـــــافلة تـــــاع اللاعبين الطوب او لحجـر يتلاح سجّلوا ربعة مصـــــابين بعــيـنيـــنا شفنا لجراح او شـــافوها الناس كاملين أوهوما وجوههم صحاح قالــــك لالا كـــــذابيـــن راهــم يلعبــوا المسرح جرحوا رواحهم باليــدين أو بلعـــــاني دمهم ساح على خــــاطر راهم حابين يلعبــوا في كاش مراح مزّيـــا كانوا المـــراقبين والفيلم كــــامل اتنفضح او شــــافوه الناس بالعين زادوا ا كراولنا براح وجابوا شوّيا شطـاحين وبقاو ايغنـــوا للصباح والله مـــاراكم راقـــــدين وصباح ربي يــــا فتّـاح كنّـــا للمـــلعب رايحين دورونا حتى الليل طاح والله ماكــــــــم متدربين لحق النهـــار تاع الصح الشبــــــان دخلوا خايفين تسمع حــي على الكفاح ميـــات آلف ولا زايـدين من لخوف مطمور طاح أو زيـــاني تقـــول مقنين حتى وليد بـــاش جراح حليـش زاد خرج مسكين أو سعدان ضارب النح واش بيــــهم المصريين؟ واقيــــلا عمبالهم صح راهم فالثـــلاثة وسبعين زاد كمّل المورال طاح سجلوا فالدقــــــايق اللّولين زادوا فاللخريـن وصبح لحساب كــــامل متعادلين الأمل مـــزّال ما راح أو مـــازال رانا رايحين نلعبوا فأرض الصلاح كيـما حنايا ناس مؤمنين فالسودان يبـان الصح ولهدرة لتــــمّ فالرجلين ماشي فلمواس والسلاح يـا مصاروا يا حڤارين بــوتفليـــقة لتمّ صرّح ابعثـــــوا المشجــــعين بلا تذكرة روح ورواح والتأشيـــرات امنحيـين عشرين ألف واحد راح شباب كـــامل امعــولين الجزاير أولاش السماح نشا الله بربي رابحــين والفريق ما حبش يرتاح قالك ما نكونوا مهنيين حتى الّي يطـــلع الصبح وندخلوا السودان سالمين لحقوا لأم درمان وصح لقــاوهم كامل مستنيين في يديهم رافديــــن لـــواح ادخــلوا السودان آمنين وان تو تري فكل مراح وعلى علامنا متداربين خاطر عارفين بلي طاح عليه مليون ونص حرين ولتمّ الفريـق ارتاح وريّحـــنا حنايا كامليـــن السودان زاهية للصباح تســــــاند فالجزايـــريين وفالقاهرة النـاس تشطح الزواليـــــة لمســاكيـــن ضربوهم كـامل بلّواح أو سمحـــوا فيهم كاملين وخيّرو تاوع المسرح الفنــانـــات والفنـــانين واش من لبسة وروايــح جـــايين كامل فرحــانين مساكن عمبـالهم صح للمونديال راهم رايحين وجمال عوّل يترشـح وحط علاء ذراع ليمين المهم.. للسودان ارواح لحقوا صابوا الجزايريين فكل طريق فكــل سطح دنيا خضرة شمال ايمين وزيد الوخدة تاع الصح أمعاهم حتــــى لخـــرين هذا يغنـــي هــذا يشطح وان تــو ثري سودانيين بعدا الحكّـم غير سرّح بديـــــناهم واحـــد اثنين وهوما حبو يقضوصلاّح ويسجلوا فالدقايق لـولين قال مادام ڤاواوي راح نربـــحوهم بكــاش ثنين حـــاولوا يهجموا بصح البنطــــاقي طلــع منـين شاوشي فكرنا فسرباح وين يـــا مـش مهنـدسين وبوڤرة مكاش السمـاح حبسوا هنا يا وين رايحين أو زيـــاني بدى يطرح أو مغني زيــــن الــــديـن إمـا جـــاز ولا طاح ولا مــــا بيـــن الرجـلين حليش حي على الكـفاح فكــــرني فــــــالمجاهدين أو غــــزال لعبوا يفرح من أخـــــطر المهاجمين ويبدة مازال ما صرّح ومازال سـرارو امخبيين وبلحاج ايلا كان طرّح تقول التوربو فــالرجلين ومنصـوري قايد ناجح أو يـــا بزاز يـــا ياسين أو صايفي ما فرا يشطح ولا يــروح شمال ويمين يـراوغ... أويشبّـــــح ويـــــزيد يمرر الخرين عنتر يحيى وين رايح ؟؟؟ بووووووووم فالتسعين وشكــــرا لكل من ريّح فكــرســـي الاحتياطيين كل واحد فيــهم يصلح أو مــــزال ليّام جايين وروراوة الّـــي صلّح صـــــورتنا فــــالميادين وفاللّخر عــمّــــي رابح سعدان شيـــخ المدربين أو فيصل كرشوش صح ماعطاهش ربي فالرجلين بصح ما يضـــربش النّح على خاوتو الجزايريين |
